"Voorwaar Ek sê vir julle, elkeen wat die koninkryk van God nie soos 'n kindjie ontvang nie, sal daar nie ingaan nie." Markus 10:15“Ek wil nie regtig dieper in die Woord krap om beter te verstaan nie - so ek glo eerder soos ‘n kind". Dit is nie wat Jesus hier bedoel nie.Moenie kinders verhinder nie - laat hulle deel neem en deel weesIn die tyd van Jesus (nogal nie Jesus se opinie self nie - maar sy tyd se opinie) was kinders en vroue nie baie hoog geag nie. ‘n Vrou en ‘n kind was maar ‘n lae wese in die samelewing. En hier gebeur die onwerklike kinders hardloop en stroom na Jesus toe. En nie sommer net terloops in die skare nie - hulle wil naby kom - hulle wil Jesus aanraak - hulle wil by Hom wees. Hulle wil sien en ervaar en beleef. En dan spring die dissipels in aksie. Hulle kulturele oortuigings en paradigmas staan voorop - keer - keer - keer - dit mag nie. Kinders moet nie gesien of gehoor word nie. Is die irionie nie opvallend nie? Jesus kom na ons toe. Jesus kom leef onder ons - Jesus kom neem ‘n liggaam aan wat ons kan aanraak en sien en ruik en ervaar en beleef - Hy word vlees en bloed en senuwee en spier - en sy voete word ook vuil in die stofstrate van die aarde en - dan hou die dissipels die kinders weg. Hulle maak skeiding - die Rabbi is vir geleerdes en vooraanstaande grootmense bedoel - nie vir hierdie lae wesens van mense nie. Doen ons nie ook soms maar dit nie? Verhinder ons nie ook soms dat ons kinders by Jesus uit kom nie. As ons lui is om ons kind Kerk toe te vat. As ons kerk nie regtig ingerig is om kinders te akkomodeer nie - of moet hulle maar eers groter word - voor hulle mag deel wees. Is ons voorbeeld en sonde nie soms ‘n struikelblok vir ons kinders nie. Ek vra hierdie as self ‘n pa wat ook uitgedaag word deur hierdie gedagtes. As ouers is ons verantwoordelikheid groot.Jesus vra ‘n opregte hartIn hierdie gedeelte gaan Jesus 'n stap verder. Dis nie net dat Jesus die status quo en die kulturele oortuigings van die dag uitdaag nie - Hy gaan nog verder. Hy gaan die onuitspreeklike doen en vir die dissipels wys hulle staan juis aan die verkeerde kant van die tafel as hulle verhinder of keer.In kontras met die dissipels staan die kinders met ‘n opregt hart - ‘n nederige hart - ‘n hart wat bely - ek het Jesus nodig. Hy is nie net vir sommige nie - maar vir almal wat Hom aanneem en in Hom glo. Ek kan nie sonder Hom een tree gee nie. In hulle hart is daar geen twyfel - geen hoogmoed - net ‘n dankbaarheid. Hulle is nou by Jesus. Daar is nie vergelyking in grootte of status of mag of geld nie…daar is net ek is by Jesus. Hoekom is dit sulkes wat die hemel ingaan - omdat dit sulkes is wat weet ek is afhanklik van die Here. Sulkes wat besef dit gaan nie oor my en jou nie - maar oor God en sy eer - sulkes wie se hele lewe een stuk aanbidding opmaak en wat Sy eer soek en nie my eie nie.Ons meet mekaar aan ons kennis, ons grade, ons geld, ons mag, ons posisie, ons status en vergeet so maklik dat ons almal voor die Here gelyk is. Dat ons almal net uit die genade van sy hand leef. Dat ons almal net sy koninkryk en eer moet soek. Dat ons almal stofmannetjies is wat met niks in ons hande voor Hom gaan staan en dit net genade is dat Hy vir ons lief is. Dat dit wat ons het net geleen is.Koos Dup se woorde van sy lied “Gebed” bly draai in my kop as ek die gedeelte lees: <blockquote>Laat my nooit die grond verlaat nie. Laat my in U skadu bly. Gee dat elke aardse vreugde en vrees, eindelik nietig word vir my.Elke afdraai paadjie ken ek. Elke keer het ek verdwaal. Elke keer het U my iewers kom haal. Maak dit Heer, die laaste maal.Elke dag is ’n gedagte. Elke kamer net gehuur. Elke aardse droom van rykdom en roem, net ’n skadu teen die muur.Wat ek is, is net genade. Wat ek het, is net geleen.Eintlik smag ek na U waters van rus. Lei my Heer vanaand daarheen </blockquote>

"Wat ek is, is net genade. Wat ek het, is net geleen. Eintlik smag ek na U waters van rus. Lei my Heer vanaand daarheen"

Wat ek is, is net genade. Wat ek het, is net geleen (Markus 10:13-16)

Learn how to grow and scale your online course business using our online course platform. EzyCourse blog is designed to teach you how to create and sell online courses.

Wat ek is, is net genade. Wat ek het, is net geleen (Markus 10:13-16)

Wat ek is, is net genade. Wat ek het, is net geleen (Markus 10:13-16)

Related Posts

Preeknotas: Hoe "kind" is jou "kindness"? (Fillipense 4:1-20)

Preeknotas: Wees teVREDE met VREDE (Galasiers 5:22-23)

Preaching from the IDEA to the Bible vs. from the Bible to the IDEA

Die Kern van ons geloof

'n Goeie plek om te begin is by die Here.